Saturday, January 23, 2021
Latest:

Sekhukhune Times

Good News For the People

FEATURED LOCAL NEWS 

Ngwedi o apogelwa ke maru

Thapelo Motseo 0 Comments

TEMANA YA 2

(Mosegare ka gabo Tshepo, Tshepo o dutše le Mogapi mohlareng, gomme ka morago go tšwelela Morongwa)

Mogapi:          (O a tsena) Naa go reng, monna Tshepo? O pshikologa o reng nke o longwa ke mala, monna?        

Tshepo:          (O šošobanya sefahlego, a swara hlogo) Go tloga maabane ke longwa ke mala, hlogo ye le yona e a opa.

Mogapi:          Thaka, nke o tlogele go hlwa o pshikologa mo. Aowa!

Tshepo:          (O a kakapologa) Go lokile monna. Feela o tsebe gore ke a babja.

Mogapi:          Monna Tshepo, hleng nke ke Morongwa yola? Hee, lehono gona ge e ka se rage e tla tlatša kgamelo.

Tshepo:          (O dula gabotse) Monna Mogapi, o nyaka go mpotša gore lekgarebe le lebjale le sa go gana monna?

Mogapi:          (Ga a fetole, gomme o bitša Morongwa)Morongwa! (O a batamela) ke neng mola ke dulago kua gabo Tshepo ke re kotse ke tla bona o fetafeta?

Morongwa:    (Ka go tlalwa ke pelo) Ge ele nna ga ke sa tseba gore ke tla go tšhabela kae bjale gona.

Mogapi:          (O nyamile) Morongwa, mant u a gago ke lerumo pelong ya ka.

Morongwa:    Le kgale nnete ka mehla e a baba.

Mogapi:          (O a mmatamela) Morongwa, o a tseba ke kgale ke nyaka kgarebe?

Morongwa:    (O a sega) Naa o reng wena! Bjale ga se wa mmona le lehono? (O a sega) gabotse o nyakela kgauswi.

Mogapi:          Ke kgale ke e nyaka.

Morongwa:    Tšho! (O a sega) Nyaka ka maatla o be o fate le mo mobung.

Mogapi:          (Ka go iphora ka lefeela) Feela ke mmone!

Morongwa:    Aowi! (O itshwara molomo) Neng ka pela?

Mogapi:          Kgarebe yeo ke wena, Morongwa! (O bolela a mo šupa)

Morongwa:    Mogapi! Aowa wena, se bolele bjalo!

Mogapi:          (Nke o a rapela) Morongwa, ke tiišitše mogolle, ke a go rata.

Morongwa:    (Ka dihlong) Go lokile. Ge e ba ke seo wena o se nyakago mogolle.

Mogapi:          (O bolela ka boleta) E tloga e le seo ke se nyakago mogolle.

Morongwa:    Gona go lokile Mogapi, le nna ke a go rata.

Mogapi:          (O thabile kudu ebile o a binabina) Ke mo thopile Morongwa!

Morongwa:    (A itshwere matheka ) O reng?

Mogapi:          ( A boela fase ka boleta) Aowa, ga ke bolele, kgaetšedi.

Morongwa:    (O a rorela) Go lokile. E re ke boele gae. Mma o tla tloga a fela pelo gonabjale.

Mogapi:          Go lokile moratiwa! (Ba a kgaogana, gomme Mogapi o šala a bolela a le noši a itheta) Pelo ya ka e rutha ka gare ga meetse a go seka, a go hloka selabi. Bommathaka ga difele ba na le maaka ke tla ba ruta go ja mpunyane. Ke feditše.

“E tla be e se nnakakapa ya masogana

                        Nna tuludi ya magapaditswetši,

Molamo ke rwele kgamuru ya majaditala,

Ke rwele kgahlanyamarena”.

Thapelo Motseo

COMPANY BACKGROUND Sekhukhune Times was founded in 2015 for the purpose of providing Sekhukhune community and businesses with quality news. The business is operated within the Sekhukhune district municipality which consist of four municipality namely Fetakgomo Tubatse Local Municipality, Ephraim Mogale Local Municipality, Makhuduthamaga Local Municipality and Elias Motsoaledi Local Municipality . Sekhukhune Times help the readers to become aware of their surroundings from social life, to the news happening in the community and also not forgetting what’s happening on the outside world’ it brings you all the news in a convenient and simple language that community can understand and It is released every Thursday and distributed through various mine, shops, , pubiic institutions and in schools. Complimentary copies are distributed to advertisers. The publication is also available online www.sekhukhunetimes.co.za Sekhukhune Times bring you all the news you need to know about the community, events coming up, speeches and also some tips on surviving student life as well as anything which you feel could be beneficial to students voicing out their opinions. MISSION . To became a cross border publication that will link young people from all corners of the world. . To became a source of information to the youth and community in general. .To became a tool for businesses big and small to market their products. .To serve as a communication tool for businesses, government, school and communities in general. .To offer jobs to young people and thus participate in eradicating unemployment, which is a major contributor to increase in crime, AIDS and poverty in our communities. .Provide auxiliary services such as printing, layout and design and photography for other institutions. . Sekhukhune Times is committed to providing the client with a quality product at competitive price within schedule. . At all time we will address and service the customers, requirements, comply with specifications, standards and technical requirements, act ethically and with dignity

You May Also Like

Five learner victims of car accident laid to rest

Thapelo Motseo 0

SAFA Sekhukhune Region games entertain soccer fans over the weekend

Thapelo Motseo 0

Sekhukhune Boxers combat ready for Limpopo Championships

Thapelo Motseo 0
Social Media Auto Publish Powered By : XYZScripts.com