Mollo o be o aparetše meago ya Sekhukhune Tvet College.
GA NCHABELENG
Ka letšatši la bošupa Phuphu kholetšhe ya Sekhukhune Khamphaseng ya Apel e be e swaa. Se se diragetše mesong ka iri ya boraro. Meago yeo e bego e aparetšwe ke mollo go akaretša meago ye mebedi le difatanaga tše tharo tša mo khamphaseng.
Go ya ka dipolelo tša baithuti ba re se se se hlotšego tiragalo ye ke ditšhelete tša baithuti tša NSFAS. Go kwagala fa gore ba bangwe ba baithuti ba di humana mola ba bangwe ba sa di humane. Baithuti ba gononelwa barutiši ba bona.
Mabapi le tiragalo ye ga go yo a lletšwego ke ditšhipi ka ge go sena le bohlatse bja maleba gomme maphodisa a gare ka dinyakišišo. Ga bjalo seemo se buetše sekeng baithuti ba nale dibeke tše tharo ba rutwa, meago le yona e lokišitšwe.
Ba Sekhukhune Times balikile go ikopanya le bolaodi bja sekolo gomme ka gohloka mahlatse gase ba bahumana.
