Dialoga tša Ngaka Mapitsing

GA THOTO

Ngaka Mapitsing wa go tšwa motseng wa Thoto o be a aloša koma ya banna le basadi letšatšing la lesomenne gona mo kgweding ya phuphu. O be a aloša gona mo motseng wa gabo wa Thoto.

Go be go tlile baeng ba bohlokwa ba go bolotša koma yeo go akaretšwa le Ngaka Moela go tṥwa  motseng wa Phokwane yo gape a kgonnego go ruta Ngaka Mapitsing gore a kgone go ntšha koma ya banna le basadi.Ngaka Mapitsing ge a laya dialoga tša gagwe o boletše gore go ya komeng  ga se gore ngwana a nyatše batswadi  ba gagwe le gore thuto ke lesedi, ba swanetše gore ba tsene sekolo gore ba tle ba phele bophelo bjo bo kaone ka moso. Ngaka Moela le yena o boletše gore tlhompho le boikokobetšo bo bohlokwa setšhabeng ke seo banna le basadi ba se rutwago setšhabeng.