Senokwane se bolailwe ka maswika morago ga maitekelo a go hula lebenkeleng

GA NCHABELENG

Rakgwebo yo a bego a tsebega ka leina la Qasila Arqa o bolailwe ka go thuntšhiwa ke dinokwane tše tharo tšeo di bego di itlhamile ka dithunya malebana le go hula lebenkeleng la gagwe kua Ga Nchabeleng. Se se diragetše letšatšing la pele Hlakola ketepedilesomeseswai gareng ga mpa ya bošego.

Go kwagala gore setšhaba se ile sa swara o tee wa dinokwane sa mo rothotha ka maswika go fihlela a ineela moya. Gomme tše pedi tša dinokwane tšeo di ile tša ja fase. Dinokwane tše di ka ba ka tlase ga mengwaga ye masomepeditlhano. Rakgwebo e be e le modudi wa naga ya Ethopia gomme a tlile ka mo nageng ka taba ya mošomo.

Gomme ge re boledišana le yo mongwe wa mošomimmogo le Mohu Qasila o hlaolositše ka tsela ye:

“molato o butšwe le semetseng maphodiseng a Apel le ge go le gore ga gona le ka o tee yo a swerego, re ipiletša go setšhaba go thuša maphodisa go nyakana le dinokwane tše pedi tseo di tsenego ka monga wa seloko ka ge le rena re phela ka letshogo”