Moswa o leboga Sekhukhune Times le Itlhopheng Community Home Base Care.

GANKWANA

Morago ga dibeke di se kae gore kuranta ya Sekhukhune Times e phatlalatše moswa wa go tswa Ga Nkwana yo leina la gagwe le tsebegago ka Koketšo Maditsi malebana le go kgopela thušo ka go tlogela nyaope.  Ba Sekhukhune Times ba ikwa ba thabile kudu ka morago ga gore lesogana la Maditsi le humana  thušo.

Ka thušano le ba Itlhopheng Community Based Care go tšwa ga Maesela Mahlabaphooko, tharollo e fihlile bofelong ka ge ba ile go kwa se ba ikopantšha le ba Health and Social Development go tšwa Gankwana moo ba ilego ba ba romela Schonoord le yena Koketšo go yo tšea lengwalo la go ya Rehabilation School.

Gomme se se ile sa utulla batšwasehlabelo ba le lesome ba o le bona ba amegago mo go tša nyaope. Bona ba be ba kgoga nyaope ya bona mo boemapese bja GaNkwana ka mehla le mehla. Go kwagala gore lesoganatsoko go tšwa go na mo GaNkwana yo a ba rekišetšago Nyaope o ile a lla kudu a re ge ba mo tseela makgowa a gagwe a na yena o tlo šala a rekišetša bomang.