Batho ba ba raro ba hlokofetše kotsing mmileng wa R25.
BLOEMPOORT – Sephodisa ka Dennilton karolong ya Groblersdal se nyakišiša ka molato wa “culpable homicide” woo o hlagilego ka labohlano mantšiboa.
Go ya ka sephodisa, go gononwa gore nakong ya go iša go seripa gare go tšwa iring ya bobedi, mootledi wa sefatanaga se hlokile taolo mme sa menoga mmileng wa R25 kgauswi le Bloempoort sa bolaya banamedi ba ba raro le semetseng.
Lt Colonel Moatshe Ngoepe, mmoleledi wa sephodisa ka Limpopo, o rile bahlokofatšwa ke basadi ba ba bedi le monna o tee eupša maemong a bjale ga ba tsebagalwe.
Ngoepe o tšwetše pele ka gore seo se hlotšego kotsi ga se sa hlaka gabotse eupša dinyakišišo tša sephodisa di tla laetša ka ge di sa tšwela pele.
